Ministrja e Europës dhe Punëve të Jashtme, Olta Xhaçka ka zhvilluar një takim me zv/Këshilltarin e Sigurisë Kombëtare në SHBA, Jon Finer, i cili përsëriti mbështetjen për Shqipërinë dhe sigurinë kibernetike në vendin tonë.
Në një njoftim të Shtëpisë së Bardhë, shkruhet se Finer gjatë takimit ka përcjellë mbështetjen e SHBA-së për të forcuar sigurinë kibernetike të Shqipërisë përballë sulmeve kibernetike të përsëritura nga Irani.
Finer ka shprehur vlerësimin e SHBA-së për bashkëpunim në çështjet dypalëshe, rajonale dhe globale, ndërsa ka vlerësuar lidershipin e Shqipërisë si anëtare e Këshillit të Sigurimit të OKB-së, veçanërisht si penmbajtëse me Shtetet e Bashkuara për rezolutat që lidhen me pushtimin e paprovokuar të Ukrainës nga Rusia.