Ka një muaj e gjysmë në detyrën e tij si zv.kryeministër dhe Erion Braçe thotë se nuk është ambientuar, teksa ka lënë pas pasionet e tij.
I ftuar në “A Show”, të Adi Krastës, në News 24, Braçe thotë se e ka të vështirë të mëoshet sidomos me njerëz që i njeh.
Krasta: A mund ta di pse qeshe?
Braçe: Edhe pse kam 1 muaj e gjysmë në detyrë ende nuk jam ambientuar me titullin zëvendës kryeministër. Se si më duket… Sodomos me njerëz që i njoh e më njohin kur më thërrasin me këtë titull se si më duket.
Që kur ka marrë detyrën i duhet të lëvizë nëpër gjithë Shqipërinë, e për këtë ka lënë pas dore ndeshjet e futbollit dhe letërsinë.
“Kam një muaj e pak ditë që jo vetëm fle pak por e kam shumë të vështirë të shoh TV, kam ndaluar një pjesë të pasioneve të mia, si letërsia. Isha duke lexuar ‘Mashtruesi’, ka ngelur tek faqë 120 sepse lëviz shumë nëpër Shqipëri. Ndërkohë kam lënë dhe të vajturit në stadium. Tek libri është një histori e një njeriu që ka sajuar gjithë të shkuarën e tij dhe mbi të ka ndërtuar të ardhmen por që në fund zbulohet”, rrëfeu Braçe.