Zëvendëskryeministrja ukrainase Iryna Vereshchuk tha të enjten se 45 ukrainas u liruan në shkëmbimin e fundit të robërve të luftës me Rusinë.
“Sot 45 nga njerëzit tanë janë liruar nga robëria ruse: 13 oficerë dhe 20 ushtarë, përfshirë 5 të plagosur”, tha Vereshchuk në një postim në Telegram.
“Ne po kthejmë gjithashtu 12 nga civilët tanë në shtëpi”, shtoi ajo.
Zëvendëskryeministrja nuk dha detaje se sa të burgosur rusë u liruan në shkëmbim. Rusia ende nuk e ka konfirmuar shkëmbimin.