Zv. ministrja e Shëndetësisë dhe Mbrojtjes Sociale Ardiana Jaku ka dhënë sot dorëheqjen. Përmes një letre drejtuar kreut të qeverisë Edi Rama dhe ministres Ogerta Manastirliu, Jaku i bën me dije vendimin që ka marrë. Ajo do të jetë tashmë deputete në Kuvend në vend të Pjerin Ndreut i cili ka hequr dorë nga mandati për të garuar për kryetar Bashkia në Lezhë më 30 qershor.
“Për gjithë miqtë që më kanë shkruar sot, pas vendimit të Këshillit të Ministrave për lirimin tim: Duke qënë se dy detyrat janë të papajtueshme, me dëshirën më të madhe zgjodha t’i dedikohem qytetarëve lezhjanë. Për këtë arsye me mirënjohjen më të madhe me dt 14 maj, një ditë para marrjes së mandatit nga KQZ, i paraqita Kryeministrit dorëheqjen time”, shkruan Jaku. / tirananews.al
