Zv.ministrja e Shëndetësisë Mira Rakacolli ka treguar në emisionin “Java” në RTSH se kur pritet të vijë në Shqipëri vaksina e Pfizer.
Ajo tha se janë bërë disa tratativa me shtete të ndryshme që të blejnë vaksinën edhe për ne, ndërsa shprehu sigurinë se vaksinat do të vijnë brenda 3 mujorit të parë të vitit 2021.
“Shqipëria ka bërë pagesën dhe ka arritur të futet në dritaren e parë dhe menjëherë sapo kjo vaksina e Pfizer të vihet në dispozicion të COVAX do ta marrim edhe ne, sepse të gjitha vendet që janë në këtë aleancë e marrin në të njëjtën kohë. Rruga e dytë ka qenë tratativa me BE-në për sigurimin e vaksinës. Kemi bërë disa tratativa me vende të ndryshme të BE që të marrin vaksina edhe për ne.
Në janar pritet të certifikohet Moderna, që COVAX e ka pjesë të portofolit, ashtu siç është edhe AstraZeneca. Janë gjithë këto mundësi që Shqiëpria ta marrë shumë shpejt vaksinën. Brenda 3 mujorit të parë të vitit tjetër Shqipëria do ta ketë vaksinën”, tha Rakacolli.