Një grua nga Kosova, e cila punonte si pastruese në Zvicër, përdorte të dhënat e kartave të kreditit të klientëve të saj për të blerë rroba dhe produkte bukurie, ndërkohë që merrte edhe përfitime të papunësisë. Për këtë arsye, Gjykata e Lartë e Cyrihut (Kantonale) ka vendosur ta dëbojë 35-vjeçaren nga Zvicra.
Si pastruese, ajo ka vjedhur të dhënat e kartës së kreditit nga disa klientë të saj. E më pas ka porositur në internet rroba dhe produkte bukurie, me vlerë prej 10,000 CHF.
Përveç kësaj, gruaja ka përvetësuar në mënyrë të paligjshme edhe 20 mijë franga pagesë papunësie.
Për të gjitha këto, sipas vendimit gjyqësor, kosovarja duhet të dëbohet nga vendi.
Gjithashtu, gjykata i ka shqiptuar asaj dhe një dënim me burg prej tetë muajsh.