Për shkak të vdekjes së kryetarit të ndjerë tashmë Ruzhdi Lata i cili ishte nga radhët e BDI-së, Komuna e Dibrës ngeli pa kryetar komune. KSHZ ka njoftuar për zgjedhje të reja lokale në Dibër, ku partitë tashmë vetëm se kanë filluar të nxjerrin kandidatët e tyre për këtë komunë dhe e para që nxori kandidaturën e saj është Aleanca për Shqiptarët.
Aleanca për Shqiptarët sot ka mbajtur mbledhje të kuvendit zgjedhor në këtë komunë ku është vendosur që të kandidojë me Arben Agollin për garën e të parit të komunës së Dibrës.
Arben Agolli është lindur dhe rritur në Dibër, në qytetin e tij amë ka kryer edhe shkollën fillore dhe të mesme, ndërsa studimet në degën e mjekësisë i ka kryer në Prishtinë ndërsa specijalizimin nga lëmia e pediatrisë në Shkup.
Agolli ka qenë edhe kandidatë i zgjedhjeve të kaluara lokale në këtë komunë ku humbi me diferencë të 400 votave kundrejt Ruzhdi Latës.
Mësohet se edhe BDI po bën kalkulimet e fundit ku në garë nga kjo parti janë Ramadan Imeri dhe Hekuran Duka.
