Joan Laporta ka fituar zgjedhjet presidenciale te Barcelonës.
Sot (e diele), rreth 57 mijë anëtarë kanë votuar për postin e presidentit të Barcelonës, ku ishin tre kandidatë, Joan Laporta, Victor Font dhe Toni Freixa.
Në këto zgjedhje, Laporta fitoi bindshëm duke marrë plotë 56.7 për qind të votave, ndërsa janë numëruar rreth 75 për qind të të gjitha votave.
Fonte mori 31.17 për qind të votave, ndërsa Freixa në vendin e tretë me 10.05 për qind.
Laporta do të ketë shumë punë për të bërë, pasi klubi aktualisht po kalon nëpër një krizë të thellë financiare. Po ashtu, ai duhet të bind Lionel Messin që të qëndrojë në klub, pasi kontrata e argjentinasit skadon në verën e këtij viti.
Kujtojmë se Laporta ishte president i klubit nga vitit 2003 deri më 2010.