Sekretari i Përgjithshëm i NATO-s, Mark Rutte, ka konfirmuar zyrtarisht se Samiti i ardhshëm i Aleancës do të zhvillohet në Shqipëri.
Kreu i NATO-s sqaroi se vendimi për organizimin e samitit në Shqipëri është marrë që në Samitin e Hagës, ndërsa mbetet ende për t’u përcaktuar data e zhvillimit të tij.
“Samiti tjetër do të mbahet në Shqipëri, ky ishte vendimi i Hagës. Samiti do të mbahet në Shqipëri, por do të na duhet të vendosim për kohën”, deklaroi Rutte.
Organizimi i Samitit të NATO-s në Shqipëri konsiderohet një moment me rëndësi të veçantë për vendin, pasi do të sjellë në Tiranë liderët e 32 vendeve anëtare të Aleancës dhe partnerë të tjerë ndërkombëtarë, duke e vendosur Shqipërinë në qendër të vëmendjes diplomatike dhe të sigurisë euroatlantike.