Presidentja e Komisionit Europian Ursula von der Leyen kritikoi Kinën të hënën sepse ka kryer sulme kiberrnetike ndaj spitaleve të BE dhe institucionet e kujdesit shëndetësor, gjatë krizës së koronavirusit.
“Ne kemi parë sulme mbi sistemet kompjuterike, spitalet dhe e dimë origjinën e sulmeve në internet”, tha von der Leyen pas një videokonferencë me Presidentin e Kinës Xi Jinping.
“Ne bashkojmë faktet dhe shifrat e nevojshme për t’i ditur. Ne theksuam qartë se kjo nuk mund të tolerohet”, shtoi ajo, duke treguar përdorimin e dezinformatave nga Kina për të shtrembëruar debatin publik rreth pandemisë së koronavirusit”.
Vërejtjet nga zyrtarja e lartë e BE vijnë pasi blloku në fillim të këtij muaji publikoi një raport mbi dezinformimin lidhur me pandeminë që përplasi Pekinin për shënjestrimin e Ejuropës me narracione false dhe deformuese. Kritika e Von der Leyen erdhi pas një videokonferencë në të cilën drejtuesit e BE diskutuan tregtinë, të drejtat e njeriut dhe çështje të tjera me Xi.
“Progresi është i nevojshëm në shumë fusha për të ribalancuar këtë marrëdhënie”, tha Charles Michel, Presidenti i Këshillit Europian më pas, duke përmendur hyrjen në treg për firmat europiane dhe transferimet e detyruara të teknologjisë si dy çështje kryesore që duhet të zgjidhen.