Ministrja Gjermane për Hulumtime Anja Karliczek ka vendosur një fond prej 750 milion euro për zhvillimin e një vaksine kundër Covid-19. Ndër tjera ajo tha vaksina do të jetë e gatshme nga mesi i vitit të ardhshëm. Po ashtu ajo ka thënë se shumën që do të jepet do ta ndajnë tre laboratorët e udhëhequr nga firma farmaceutike “Biontech”, “Curevac” dhe “IDT Biologica”.
“Shkencëtarët janë duke punuar me një shpejtësi të pabesueshme, por natyrisht se hapat prapa janë gjithmonë të mundshëm. Nuk mund të presim mrekulli dhe shumica presin që vaksinat për shumicën e popullsisë do të jenë të gatshme vetëm në mesin e vitit të ardhshëm. Janë 3 laboratorë të cilët po kryejnë një punë kërkimore që të prodhojnë një ilac efektiv në luftimin e Covid 19 dhe ne po u ofrojmë ndihmë financiare që puna të përshpejtojë. Tre laboratorët e udhëhequr nga firma farmaceutike “Biontech”, “Curevac” dhe “IDT Biologica”, do ta ndajnë grantin prej 750 milion eurosh”- tha Karliczek.
Ndërkohë sipas Organizatës Botërore të Shëndetësisë, 25 vaksina kundër koronavirusit janë duke u testuar në njerëz në nivel botëror, ndërsa 139 të tjera janë ende në fazën paraklinike të testimit.