Një studim i ri zbuloi se fëmijët e infektuar me koronavirus kanë simptoma shumë më të buta dhe ndonjëherë nuk i kanë fare, gjë që paraqet një rrezik serioz.
Studimi i publikuar në revistën Nature Medicine përfshinte dhjetë fëmijë në Kinë midis moshës dy muajsh dhe 15-vjeç me COVID-19 dhe po shëroheshin, si dhe 745 fëmijë që ishin në kontakt të ngushtë me të infektuarit.
Nga fëmijët e infektuar, shtatë prej tyre kishin ethe, kollë, dhimbje të fytit dhe kongjestion të hundës, por asnjëri nuk raportoi dhimbje koke ose të muskujve, dhe askush nuk kishte simptoma. Skanimi me rreze Rëntgen i këtyre fëmijëve nuk tregoi shenja të pneumonisë, të cilat u identifikuan te të rriturit.
“Simptomat e buta dhe atipike te fëmijët mund ta bëjnë të vështirë zbulimin,” thuhet në studim.
Nga 745 fëmijë që ishin në kontakt me pacientët, vetëm 1.3 për qind ishin të infektuar. Nga afro 45,000 raste të konfirmuara në Kinë deri më 11 shkurt, pati vetëm një vdekje te personat nën 20-vjeç, dhe nuk pati fatalitet te fëmijët nën moshën 10-vjeç, raporton CNN.
“Fëmijët thjesht nuk sëmuren. Nëse ata shfaqin ndonjë simptomë, ato janë të buta derisa ato të rënda janë më të rralla, “tha Arthur Reyngold, një epidemiolog në Universitetin e Kalifornisë.
Nëse një fëmijë ose një anëtar tjetër i familjes ka simptoma të ngjashme me koronavirus, mos harroni se është sezoni i gripit dhe simptomat janë pothuajse të njëjta.
Sidoqoftë, kërkoni ndihmë sa më shpejt që të shfaqen simptomat dhe derisa të përcaktohet se jeni i infektuar shmangni vendet publike. Nëse keni këto simptoma dhe keni udhëtuar në vendet me COVID-19, ose nëse keni qenë në kontakt të ngushtë me dikë që ka simptoma, sigurohuni që të kontaktoni autoritetet.