1 minutë heshtje për Silvio Berlusconin në Kuvendin e Shqipërisë

Kuvendi i Shqipërisë ka mbajtur këtë të enjte 1 minutë heshtje për ndarjen nga jeta të ish-kryeministrit Italian, Sivlio Berlusconi. Në fjalën e tij, kreu i grupit parlamentar i PS-së, Taulant Balla e cilësoi Berlusconin si një personalitet të rëndësishëm që ka mbështetur Shqipërinë në rrugën e integrimit europian. “Kërkoj 1 minutë heshtje në respekt të një personaliteti i cili kur hyri në politikën italiane ka pasur një afeksion ndaj Shqipërisë dhe ka qenë mbështetës i palëkundur i vendit tonë”,-tha Balla.