1 muaj pas shfaqjes së rastit të parë, gripi i shpendëve në qarkun e Elbasanit vijon të jetë prezent, pavarësisht asgjësimit e menjëhershëm të shpendëve të infektuar.
Shef i Shërbimit Veterinar për Qarkun e Elbasanit, Fatmir Ozuni pranoi se kjo epidemi ende nuk është mbyllur ndërsa shtoi se po bëhen verifikime të vazhdueshme për të mbajtur nën kontroll situatën.
Por situata e epidemisë ende në vijim i ka lënë fermeret pa marrë subvencionim nga shteti. Shërbimi Veterinar i qarkut të Elbasanit ka nisur pajisjen e shpendëve me certifikatën veterinare dhe fletën e analizave për të larguar dyshimet e çdo qytetari që stepet për të blerë shpendët që tregtohen nga fermerët në zona të ndryshme të qarkut.