100 ditë në shtëpinë e ”Big Brother Albania Vip 3”, dhe banorët do të surprizohen me një darkë me tre të ftuar special. Moderatori Ledion Liço dhe dy opinionistët, Arbër Hajdari dhe Ori Nebiaj do të futen sonte në shtëpi, për të konsumuar një darkë dhe për të shkëmbyer biseda me banorët.
Shpesh konkurrentët i kanë ftuar ata të bëhen pjesë e tavolinës së darkës së tyre, pas përfundimit të “Prime-ve”, ndërsa sot më në fund dëshira e tyre do të plotësohet.
Në një edicion plot surpriza, debate dhe thyerje rekordesh, edhe natën e sotme mund ta ndiqni LIVE në dy kanalet e dedikuara në DigitAlb, ndërsa spektaklet e të martës dhe të shtunës në Top Channel dhe në kanalin e YouTube.