Grupet e përbashkëta të inspektimit, me inxhinierë francezë, zvicerian si dhe nga shtete të tjera, janë në terren për të vlerësuar gjendjen e objekteve të prekura nga tërmeti.
Drejtuesi qendror i operacionit për Menaxhimin e Fatkeqësisë natyrore për qarkun Durrës, Bledi Çuçi bëri të ditur se paraditen e sotme nisi inspektimi edhe në lagjen pranë ujësjellësit të Durrësit.
“Janë 11 grupe në terren, që po punojnë në zonat më problematike. Numri i grupeve do të shtohet. Ju lutem bëni durim sepse ky është një proces që kërkon kohën e vet. Nuk mund të bëjmë vlerësime sipërfaqësore apo sa për të kaluar radhën. Vlerësuesit do të shkojnë në çdo objekt”, deklaron Çuçi.