116 persona kanë humbur jetën në 31 ditët e Janarit si pasojë e infektimit me koronavirus. Ekspertët vlerësojnë se fatalitetet kanë ardhur për një sërë arsyesh, ku kryesore është mungesa e vaksinimit.
Vaksinimi mbetet zgjidhja më e mirë për të parandaluar format e rënda dhe fatalitetet tek të sëmurët kronikë, dhe moshat e mëdha.
Pavarësisht përhapjes së virusit, që sipas ekspertëve vlerësohet me intensitet të lartë qarkullues, Shqipëria ka përqindjen më të ulët të fataliteteve në rajon. Ekspertët thonë se rënia e rasteve të reja ditore me Covid, do të reflektohet në javët e ardhshme edhe në rënien e numrit të pacientëve në spitale por edhe të fataliteteve.