Kreu i shtetit shqiptar Ilir Meta ka përkujtuar ish- Presidentin e Kosovës, Ibrahim Rugova në 14 vjetorin e ndarjes së tij nga jeta. Ai shprehet se angazhimi i tij për Kosovën është shembull frymëzimi për t’i shërbyer me dinjitet dhe krenari çështjes shqiptare.
POSTIMI I METES
“Vizioni im është, që të kemi një Kosovë të pavarur, demokratike, me një shoqëri politikisht tolerante dhe me një ekonomi solide, e integruar në BE dhe NATO, si dhe të vazhdojmë marrëdhëniet tona të mira me SHBA.” – IBRAHIM RUGOVA
Angazhimi i Tij jetësor për zgjimin kombëtar, vizioni euroatlantik për Kosovën Republikë, për paqen, lirinë, stabilitetin, demokracinë dhe bashkëjetesën në rajon, mbeten shembuj të patundur frymëzimi për t’i shërbyer me përkushtim, dinjitet dhe krenari çështjes shqiptare.
Ëndrra e Presidentit Rugova vazhdon!