Fshehu drogën në gojë që t’i shpëtonte policisë, arrestohet 15-vjeçari shqiptar në Gjermani
Një 15-vjeçar shqiptar është arrestuar nga autoritetet gjermane, pasi u kap duke shpërndarë drogë.
Gjatë një kontrolli policor në lagjen Steintor të qytetit të Hannoverit, policia gjermane arriti që mes disa të ndaluarve të arrestojë edhe një të mitur.
Sipas mediave gjermane, adoleshenti u kap në flagrancë duke u shitur kokainë 2 personave në zonën e Raschplatz, ku ai u pikas nga oficerët e policisë.
Gjatë kontrollit fizik, atij i janë gjetur edhe 3 doza kokainë, të cilat i fshihte në gojë.