Që pas publikimit të aktiviteteve të ndaluara për zyrtarët e lartë politikë në funksion të fushatës zgjedhore, qytetarët kanë vazhduar me denoncimet e tyre në faqen zyrtare të Komisionit Qendror të Zgjedhjeve.
Mes 19 denoncimeve të qytetarëve është dhe deputeti i PS Alket Hyseni. Qytetari ka publikuar në faqen e KQZ një foto të datës 6 janar ku shfaqet Hyseni me disa oficerë të policisë së shtetit.
Ndërsa një tjetër shqetësim, për një tjetër qytetar është bërë maska e kryeministrit Rama me siglën e PS.
Që nga miratimi i vendimit të KQZ për të ndaluar publikimin e disa aktiviteteve në funksion të fushatës zgjedhore, LSI ka bërë 16 kallëzime për kryeministrin, ministrat dhe kryebashkiakët.