Policia në Peru ka goditur një rrjet ndërkombëtar të trafikut të drogës, e ku ka zbuluar 2.3 ton kokainë të pastër.
Ky rrjet drejtohej nga biznesmeni italian Pasquale Bifulco dhe shqiptari Kadri Gjoci. Lëndën narkotike e dërgonin në vendet perëndimore të Europës, kryesisht në Gjermani dhe në Itali.
Në pranga ranë italiani Bifulco 49 vjeç, shqiptari Gjoci, 28 vjeç, si dhe peruanët Luis Alberto Narbasya Huayanay, 57 vjeç, të cilit iu sekuestruan 5 kilogramë 300 gram kokainë, dy automjete e pajisje komunikimi, si dhe Elmer Cardenas Ramirez, 56 vjeç, të cilit iu konfiskuan një armë gjahu, dhe 2 armë zjarri të tjera.