Bashkë me ish-presidentin amerikan Bill Klinton në Kosovë është e pranishme dhe ish Sekretarja Amerikane e Shtetit, Madeline Albright, e cila gjatë fjalimit të saj theksoi se u bë gjëja e duhur.
Në ceremoninë e 20-vjetorit të nisjes së bombardimeve të NATO-s në Kosovë që i dha fund terrorit serb, ajo tha se bënë gjënë e duhur, pasi kauza e tyre ishte e drejtë.
Ajo tha se vendimi nuk ishte i lehtë, duke treguar dhe bisedën me presidentin në atë kohë, Bill Klinton. “Nuk ishte vendim i lehtë, dhe kemi pasur shumë diskutime, dhe presidenti Clinton më telefonoi natën dhe më tha avionët tanë janë nisur dhe ne po bëjmë gjënë e duhur. I thashe ‘Po z.kryetar ne po bëjmë gjënë e duhur…”, ka deklaruar Albright.