Anila Basha, anëtare e Komitetit Ekzekutiv të Federatës Shqiptare të Futbollit, përshëndeti në emër të këtij institucioni, 20-vjetorin e Tifozëve Kuqezi. Në këtë mbrëmje speciale të organizuar në sheshin “Skënderbej”, Basha uroi mbështetësit besnikë të Kombëtares.
Kurdo dhe kudo të gjendur, ata padyshim janë shndërruar në lojtarin e 12-të për kuqezinjtë tanë. E këtë e theksoi dhe përfaqësuesja e FSHF-së, e cila tha:
“Kam një mesazh nga Federata Shqiptare e Futbollit. Sigurisht për të gjithë ne, ju jeni lojtari i 12-të në fushë. Duam vetëm duartrokitje, përgëzime, këngët dhe banderolat tuaja.
Sa më shumë të ndjeheni ju, aq më mirë luajnë lojtarët në fushë. Energjia kështu siç jeni do jetë ogur shumë pozitiv në Euro 2024. Ne jemi të sigurt në FSHF se ju do të skuqni Gjermaninë”, u shpreh Anila Basha.