21 maj 2021, është data kur në sistemet sekrete shqiptare u vodhën të dhënat e para. Sulmi kibernetik i Iranit ndaj sistemeve të vendit tonë, ndodhi për shkak të një serveri të pa-përditësuar duke u kthyer për hakerat në një portë hyrëse.
Rasti më freskët i publikimit të të dhënave sekrete, ka qenë dy ditë më parë ku grupi ‘Homeland Justice’ ka publikuar një listë më 1081 faqe ku janë listuar të dhëna të qytetarëve shqiptarë të pajisur me leje drejtimi.
Këtë të mërkurë, pesë persona punonjës të Ministrisë së Brendshme dhe DAP, janë të akuzuar për “shpërdorim detyre” pas sulmeve kibernetike nga Irani, janë lënë në detyrim paraqitjeje nga gjykata e Tiranës.
Personat e akuzuar janë:
Alketa Sulo-Specialist, Sektori i IT në Departamentin e Administratës Publike, Përgjegjës, Sektori i IT në Ministrinë e Brendshme;
Altin Sallaku-Përgjegjës, Sektori i IT në Departamentin e Administratës Publike, Përgjegjës, Sektori i IT në Drejtorinë e Përgjithshme të Burgjeve;
Rudina Llagami-Specialist, Sektori i IT në Departamentin e Administratës Publike;
Igli Lubonja-Specialist, Sektori i IT në Departamentin e Administratës Publike; dhe
Albi Gjeka-Specialist, Sektori i IT në Departamentin e Administratës Publike.