Një autobus me 22 shqiptarë që vinte nga Belgjika për në Shqipëri është bllokuar në kufirin mes Hungarisë dhe Serbisë, për shkak të masave të mara për bllokim kufijsh nga koronavirusi.
Sipas njoftimit te ministrise, me të marrë njoftimin, Ambasada veproi duke ndjekur procedurën e përcaktuar nga autoritetet kompetente serbe, MPJ dhe MPB, prej gjendjes së jashtëzakonshme në vend.
“Falë bashkëpunimit të shpejtë dhe efikas, autobusi mundi të hyjë në Republikën e Serbisë dhe të marrë rrugën e kthimit në atdhe”- njofton MPJ.
NJOFTIMI
Në vijim të informacioneve të publikuara lidhur me situatën në Serbi, ju informojmë se mbrëmë rreth orës 21.30 Ambasada e Republikës së Shqipërisë në Serbi, u njoftua nëpërmjet numrit të telefonit të urgjencës së Ambasadës për një grup bashkatdhetarësh të bllokuar në kufirin midis Hungarisë dhe Serbisë, Roskë – Horgosh. Bëhej fjalë për një autobus që vinte nga Belgjika dhe kthehej në Shqipëri, në të cilin ndodheshin 22 shtetas, kryesisht gra.
Me të marrë njoftimin, Ambasada veproi duke ndjekur procedurën e përcaktuar nga autoritetet kompetente serbe, MPJ dhe MPB, prej gjendjes së jashtëzakonshme në vend.
Falë bashkëpunimit të shpejtë dhe efikas, autobusi mundi të hyjë në Republikën e Serbisë dhe të marrë rrugën e kthimit në atdhe.
Ju bëjmë me dije, se Përfaqësitë e Republikës së Shqipërisë në botë, janë në gjendje gatishmërie 24 orë për t’ju përgjigjur të gjitha kërkesave të qytetarëve shqiptarë.