Gjatë një takimi me të rinjtë e Lëvizjes Socialiste për Integrim, kryetarja e kësaj partie Monika Kryemadhi ka sulmuar kreun e Partisë Demokratike, Lulzim Basha.
Ajo e konsideroi atë “të pabesë”, njëjtë siç e ka akuzuar edhe ish-kryeministri Sali Berisha.
Ndërsa foli për zgjedhjet e 25 Prillit, Kryemadhi tha se LSI u ndodh përballë sfidave me bandat, pabesinë dhe në partneritet me një armik në krah.
Ajo tha se pas 25 Prillit do kërkonin ndryshime legjislative, në mënyrë që “pushteti t’i kalojë Parlamentit, pasi është kthyer në një teatër që certifikon marrëveshjet mes dy personave që mbajnë peng Shqipërinë”.