Blendi Teta u gjet fajtor edhe nga Gjykata e Posaçme e Apelit për përfshirjen në vrasjen e ish policit, Santiago Malko, verën e 2019-ës në Tiranë. Ai u dënua me vendim të formës së prerë me 25 vite burg dhe është i vetmi i dënuar për vrasjen e ish policit.
SPAK e akuzon atë se ka siguruar informacione për ekzekutorët e Malkos dhe ka qenë në praninë e grupit mbrëmjen kur ndodhi ngjarja.
Në kërkim për vrasjen si organizator dhe porositës të vrasjes janë shtetasit Leonard dhe Erlis Duka, Oltian Loga, Aleksandër Manxhaku dhe Dritan Agaj. Malko u qëllua me breshëri plumbash mbrëmjen e 27 gushtit 2019 teksa po qarkullonte me makinë në rrugën “Xhanfize Keko”.
SPAK thotë se motiv i krimit është përplasja e dy grupeve kriminale në kryeqytet.