Sonte rinisi festivali tradicional mbarëkombëtar “Oda Dibrane”. Ky festival përfshin këngë, valle humoristike, lojra popullore, melodi, etj. Nata e parë e këtij festivali u mbajt sonte në Dibër të Madhe.
Në këtë festival marrin pjesë shumë grupe kulturore artistike të cilat vijnë nga të gjitha trojet shqiptare dhe performojnë pjesët e tyre artistike përballë publikut artdashës të Dibrës së Madhe.
Në këtë festival si për çdo vit marrin pjesë edhe grupet folklorike të rretheve Dibër, Mat e Bulqizë. Bie në sy larmia e kostumeve popullore dhe rikthimi i këngëve e valleve të dhjetra viteve më parë.