Thanas Thoma Bako alias Athanasios Sebastian Bako është shqiptari i arrestuar ditën e djeshme në Glyfadatë Greqisë, pas një hetimi njëmujor nga prokuroria greke në bashkëpunim me autoritetet holandeze.
52-vjeçari shqiptar me nënshtetësi greke kërkohej me urdhër arresti evropian, dhe cilësohet koka e një organizate kriminale që merrej me shpërndarjen e shumave të mëdha të parave të pista në Holandë, të ardhura nga tregtia e drogës.
Organizata kriminale trafikonte nëpërmjet një sistemi bankar të nëndheshëm, duke komunikuar me kode dhe llogaritet se gjatë 10-muajve janë trafikuar rreth 250 milionë euro.
Gjatë kontrollit të banesës së Bakos janë gjetur dhe sekuestruar shuma të parash në valuta të vendeve të ndryshme, mes të cilave kishte euro, dollar amerikanë, dollar kanadezë, franga zvicerane, lira turke etj.