Një 27-vjeçar është arrestuar nga autoritetet greke pasi dyshohet se ka përdhunuar një vajzë të mitur të moshës 17 vjeçe në Korydallos.
Gjatë bisedës që bënte me vajzën në rrjetet sociale, shqiptari i ishte prezantuar asaj sikur pakistanez. Ndërkohë, kur vajza dhe shqiptari janë takuar në shtëpinë e tij, 27-vjeçari e ka marrë me forcë të miturën dhe e ka përdhunuar. Pas ngjarjes, 17-vjeçarja e ka denoncuar rastin në polici dhe këta të fundit u vunë në lëvizje, duke prangosur shqiptarin.
Njoftimi i plotë i policisë greke:
Përdhunuesi u arrestua dje, datë 12.04.2022, në një zonë të Atikës Perëndimore, nga punonjës policie të NënDrejtorisë së Mbrojtjes së të Miturve pranë Drejtorisë së Sigurisë Atikë, një i huaj, i akuzuar për përdhunim të të miturit. .
I lartpërmenduri akuzohet se pasi ka takuar një të mitur, nëpërmjet aplikimeve në rrjetet sociale, në mbrëmjen e datës 11-4-2022 e ka çuar atë në shtëpinë e tij, ku ka kryer veprën penale të mësipërme.
Nga hetimi para hetimor i Shërbimit të mësipërm, u verifikuan të dhënat e plota dhe pas kontrolleve u gjet dhe u arrestua.
I arrestuari me dosjen në ngarkim të tij do të dërgohet në Prokurorinë Publike për Kundërvajtje të Athinës.