Një 30-vjeçar shqiptar ka përplasur me makinë një studente ne Selanik të Greqisë. Pas aksidentit, drejtuesi i mjetit ia ka mbathur nga vendngjarja, duke e lënë 21-vjeçaren greke të plagosur. Mësohet se kjo e fundit ndodhet në spital, në gjendje kritike për jetën.
Policia bën me dije se shqiptari, emri i të cilit ende nuk është zbardhur, ka qenë nën hetim nga policia greke për përfshirjen e tij në trafikun e drogës.
Pronari i makinës ishte një 44-vjeçar, i cili pranoi se i kishte dhënë hua makinën e tij të riut shqiptar.