Veprime globale për të parandaluar “rënien në një të ardhme jofunksionale” për internetin, thotë krijuesi i web, Tim Berners-Lee për BBC.
Babai i internetit ka dhënë një intervistë ekskluzive për të shënuar edhe 30-vjetorin e propozimit të tij për web.
Tim thotë se njerëzit e kanë kuptuar se si të dhënat e tyre “manipulohen” pas skandalit të Cambridge Analytica. Megjithatë ai thotë se probleme të tilla, si shkelja, vjedhja apo keqinformimi mund të trajtohen.
Në një letër të hapur të publikuar të hënën, babai i internetit thotë se shumë njerëz dyshonin se web mund të ishte një forcë e mirë. Ai ka shqetësimet e veta për të ardhmen e internetit: Jam shumë i shqetësuar për përhapjen e keqinformimit”. Por megjithatë thotë se po sheh se njerëzit po kuptojnë më mirë rreziqet që përballen si përdorues interneti. Tim shton se në vitet e fundit ai ka krijuar gjithnjë e më shumë bindjen se parimet e një interneti të hapur duhet të mbrohen.
Në letrën e tij ai specifikon tre fusha të “mosfunksionimit” dhe që sipas tij po dëmtojnë internetin sot:
Aktivitete dashakeqe, si hakerimi apo ngacmimi
Sistemet problematike të dizenjimit, si modelet e biznesit që shpërblejnë klikuesit
Pasojat e paqëllimshme, si dhuna dhe diskutimi i polarizuar.
Këto problematika mund të trajtohen përmes ligjeve të reja dhe sistemeve që kufizojnë këto fenomene online.