Ministrja për Evropën dhe Punët e Jashtme, Olta Xhaçka ishte e pranishme në ekspozitën fotografike “Kronika të pushtimit rus të Ukrainës – fillesat”, që u mbajt me rastin e 31-vjetorit të pavarësisë së Ukrainës.
Xhaçka pohoi para ambasdorit ukrainas në vendin tonë, Volodymyr Shkurov, se Shqipëria do të vazhdojë të japë kontributin e saj në mbështetje të Ukrainës.
“Ukraina dhe njerëzit e saj po luftojnë jo vetëm për veten por edhe për ne. Ata po luftojnë për paqen dhe sigurinë e Evropës dhe botës, për sistemin e bazuar në rregulla nga i cili varet stabiliteti dhe prosperiteti i të gjithëve ne. Për këtë arsye unë jam krenare për gjithçka që Shqipëria ka bërë për të mbështetur Ukrainën dhe popullin e saj dhe për kontributin për përfundimin e luftës“, tha ajo.