Ish-anëtari i Këshillit Kombëtar të Partisë Demokratike, Edvin Kulluri ka komentuar kandidatët për anëtar kryesie në PD-në e Komisionit të Rithemelimit. Kulluri thotë se përveç 7 personave të 37 kandidatët e tjerë janë “Lulzimsa të dalluar”.
“Përveç 3 personave që kanë mbajtur qëndrime të qarta kundër Bashës para humbjes së 25 prillit dhe 4 të tjerëve që “u zgjuan” në 26 prill, 37 kandidatët e tjerë për anëtarë kryesie të PDSH janë Lulzimsa të dalluar! Të jesh Lulzims është kriteri kryesor i Riciklimit për të përfaqësuar demokratët në humbjen e rradhës! Me shpresën se Bardhi, Alibeaj dhe Luli ynë do të “përputhen” shumë shpejt me Ricikluesit, urime dhe suksese në zgjedhjet e ardhshme lokale! Përpara me unitetin e 6 marsit!”-shkruan Kulluri.