Nënkryetari i bashkisë së Kifisisë në Greqi, Yiannis Panteleakis ra pre e një grabitjeje mbrëmjen e djeshme.
Duke folur për një media greke, ai tregoi se katër persona me kapuç thyen derën e dhomës së tij të gjumit, hynë brenda dhe më pas e sulmuan. Ai dhe familja e tij u mbajtën peng për thuajse një orë.
“Më hodhën kompjuterin nga duart, më kërkuan të bëja atë që më thoshin, ti respektoja dhe nuk do më ndodhte asgjë.”
Ai dëshmoi se autorët komunikonin në greqisht, por, sipas tij, ata janë me origjinë të huaj për shkak të të folurës së tyre të çalët.
“Kasafortën e kanë gjetur vetë se nuk i kemi thënë ne. Dhe sapo e gjetën, thirrën njërin prej nesh për ta hapur.” Në fund, grabitësit kanë zbrazur kasafortën duke marrë 200 mijë euro.