40 kg drogë e llojit kanabis sativa është sekuestruar nga policia e Lezhës në kuadër të operacionit të koduar “Tempulli”.
Policia sqaroi se kanë arrestuar tre persona, të cilët transportonin lëndën narkotike në aksin rrugor Shkodër-Tiranë. Shërbimet e policisë kanë ndaluar automjetin tip “Renault” me të cilin dyshohej se po transportohej lënda narkotike, ku janë gjetur 3 thasë me cannabis sativa, me peshë totale 40 kilogramë e 200 gramë.
Në pranga përfunduan shtetasit Ergys Markja, drejtuesi i mjetit si dhe Dorjan Salla dhe Artur Demiri, me precedentë të mëparshëm penalë.