Agjentët e Guardia Di Finanza në Breshia të Italisë kanë konfiskuar një sasi prej 43 kg heroinë duke vënë në pranga një 47-vjeçar shqiptar.
Mediat italiane bëjnë të ditur se garazhi ku u gjet droga ishte i lidhur me një apartament, që për çudi pronari ishte anonim. Në këtë mënyrë poseduesi i drogës ka mbajtur një profil të ulët në publik për të mos ngritur dyshime. Vlera e drogës së kapur shkon në 3.4 milionë euro.
Agjentët e Grupit të Hetimit të Krimit të Organizuar në GdF prej kohësh kontrollonin 47-vjeçarin shqiptar me precedent të mëparshmë për motive financiare dhe i quajtur si kreu i bandës.