5 pyetje për inceneratorët, PD-ja pyet SPAK-un: A ju thotë gjë emri i qytetares A. Jangildina?

5 pyetjet publike sa i takon çështjes së inceneratorëve, nuk kanë munguar as këtë të hënë nga ana e Partisë Demokratike. Anëtari i Këshillit Kombëtar, Jamarbër Malltezi, përmes një deklarate nga selia blu, i drejtoi disa pyetje SPAK-ut, mes të cilave dhe për një shtetase me inicialet A, Jangildina, qytetare e lindur në Bashkimin e Republikave Socialiste Sovjetike.

Pyetjet

1. A ju thonë gjë kompanitë e mëposhtme (I) Integrated Energy, (Ii) Geogenix, (iii) Almares Management dhe (iv) Residence Corporate Services?
2. Dini gjë sa buxhet ka secila nga këto kompani?
3. Dini gjë sa punonjës ka secila nga këto kompani?
4. A ju thotë gjë emri A. Jangildina, qytetare e lindur në Bashkimin e Republikave Socialiste Sovjetike?
5. Çfarë lidhje kanë të gjithë këto emra me qindra milionë euro para publike të shqiptarëve që kinse po investoheshin për inceneratorët?

SPAK i di përgjigjet, por ato të çojnë lart, aty ku prokurorët tanë nuk shkojnë dot. Ne do të kthehemi nesër, jo me drejtësinë, por me përgjigjet e këtyre pyetjeve. Ato të çojnë te të njëjtët emra dhe të njëjtat gjurmë. Firma e kundraligjshme e inceneRamës dhe IncenErjonit, i bashkon të gjitha fijet. Vetëm SPAK nuk i bie në fije. Pse vallë?