51-vjeçari me iniciale Y.M., i cili ishte në kërkim që nga 1 nëntori, u gjet i vdekur në Selanik të Greqisë.
Siç raportojnë mediat greke, ai ishte nisur atë ditë për të punuar në zonën e Arethousa së bashku me një 59-vjeçar grek.
Policia njoftoi se shqiptari u lëndua rëndë në vendin e punës me sharrë elektrike.
Sakaq, kolegu u tij grek e la të plagosur me gjakderdhje, duke u larguar nga vendi i ngjarjes me ndihmën e të birit.
Babë e bir janë arrestuar për armëmbajtje pa leje, pasi gjatë kontrollit të ushtruar në mjetin e tyre u gjetën gjithsej 5 thika.