Janë plot 547 mijë turistë të huaj që kanë vizituar Shqipërinë në muajin nëntor. Kryeministri Edi Rama thotë se kjo shifër tregon se vendi po vizitohet në çdo stinë të vitit dhe në çdo zonë të tij.
“9.54 milionë vizitorët e huaj që kemi pritur gjatë këtij viti! 547 mijë turistë të huaj që erdhën në Shqipëri gjatë nëntorit janë prova se vendi po vizitohet në çdo stinë të vitit e në çdo cep të territorit, duke u konfirmuar si një superdestinacion i turizmit gjithëvjetor e të qëndrueshëm”, ka shkruar Rama, në një postim në Facebook.
Kryeministri më parë ka thënë se, deri në fund të vitit pritet që numri të arrijë në 10 milion turistë.