Këtë të premte, Komisioni Qendror i Zgjedhjeve u ka dhënë mandatin kryetarëve fitues në zgjedhjet lokale të 14 Majit për bashkinë e Lezhës, Tiranës, Durrësit, Korçës, Vlorës dhe Krujës.
Celibashi dha mandatin për Erion Veliajn që do të drejtojë dhe për 4 vite Tiranën, në mandatin e 3-të të tij, Emirjana Sakon në Durrës, Pjerin Ndreun e Lezhës, Sotiraq Filon në Korçë, Ermal Dredhën në Vlorë dhe për kryebashkiakun e Krujës, Artur Bushin.
Në mbledhjen e sotme KQZ shpërndau mandatet edhe për këshillat bashkiakë në Durrës, Krujë, Pukë, Përmet Gjirokastër, Memaliaj e Dibër.