6 vjet më parë është vrarë në krye të detyrës Komisar Musa Skura. Ai u sulmua nga disa trafikantë që lëviznin në segmentin rrugor Burrel-Bulqizë. Në se nuk është kujtuar zyrtarisht nga strukturat shtetërore, është vëllai i tij, Avni Skura që e kujton me shumë mall:
“Na mungon shume vëlla. Ju mungon fëmijëve dhe bashkëshortes. Ju mungon nipërve e mbesave, miqëve e shokëve të tu. Na mungon dashuria jote, buzëqeshja jote dhe këshillat e tua me vlerë. T’i do të jesh gjithmonë në mendjet e zemrat tona. I paharruar i dashuri Musa!”, shkruan Avni Skura
Shefi i Krimeve të Policisë së Matit, Musa Skura, u plagos mbrëmjen e 13 janarit 2013 gjatë një operacioni për arrestimin e anëtarëve të një bande që trafikonte armë, në rrugën nacionale Burrel-Klos, në afërsi të fshatit Suç të Rrethit të Matit. Efektivi i policisë është goditur me automatikun që i përket të pandehurit F. Alla. I pandehuri është përleshur me efektivin e policisë, duke gjuajtur dhe me armë luftarake në drejtim të tij.
Në analizën e provave të dala nga hetimi, rezulton se efektivi i policisë, Musa Skura, u është afruar në distancë personave të dyshuar për kryerje vepre penale, të cilëve u ka kërkuar të ndalonin.
Në ndjekje e sipër, pasi ka arritur të kapë të pandehurin F. Alla, ky i fundit duke qenë i pajisur me armën tip automatik model 56, kalibër 7.62 mm, ka realizuar qitje drejt efektivit të policisë”, thuhet në dosjen e Prokurorisë së Krimeve të Rënda.