Një ngjarje e rëndë ka ndodhur në shtetin fqinj, ku një i moshuar është dhunuar nga familja e tij dhe më pas u grabit. Një 68-vjeçar është torturuar nga i biri 40-vjeç dhe dy nipat 23 dhe 17-vjeç brenda shtëpisë së tij në Amfilochia të Greqisë.
Pas mosmarrëveshjeve financiare, ata hynë në shtëpinë e 68-vjeçarit, e lidhën me litar dhe filluan ta rrihnin pa mëshirë me grushte dhe shkelma. Pasi ai hoqi dorë nga rezistenca, i biri dhe nipat kontrolluan shtëpinë, i morën 1700 euro, celularin e tij dhe u larguan duke i kyçur derën.
68-vjeçari qëndroi i lidhur me litar gjatë gjithë natës, i mbuluar nga gjaku. Më pas arriti të zgjidhet nga litari dhe u hodh nga dritarja për të shkuar në polici. I biri dhe dy nipat u arrestuan dhe u dërguan në Prokurorinë e Rrethit të Mesolongut me akuzën e grabitjes, plagosjes trupore, grabitjes dhe dhunës në familje.