7325 shtetas nga Shqipëria paraqitën kërkesën për azil në një vend të BE-së gjatë vitit 2024. Numri i kërkesave për azil të shtetasve shqiptarë në vendet europiane shënoi rënie krahasur me vitin 2023.
Franca vijon të jetë vendi më i pëlqyer për banorët e Shqipërisë për të kërkuar azil. Më pas renditet Gjermania, pasuar nga Italia dhe Greqia.
Raporti i Agjencisë europiane për Azilin thotë se në vitin 2024 vendet e Bashkimit Europian morën rreth një milion kërkesa për azil për të tretin vit radhazi.
Në fund të vitit 2024, kishte rreth 4.4 milionë përfitues të mbrojtjes së përkohshme në vendet e BE-së që kishin ikur nga Ukraina.