Për të zbuluar vende të reja, planifikimi i pushimeve, të kontrolloni nëse hoteli është në lagjen e duhur. Google Maps, (harta e Google) ka tetë funksione të cilat ndoshta nuk i njihni.
Ja kush janë ato:
Të vizitoni virtualisht vende dhe lagje të hotelit që keni prenotuar. Me Google Maps, më mirë në versionin desktop mund të keni një pamje të qartë të ambientit para se të prenotoni.
Llogarisni distancat: jo vetëm nëse do të udhëtoni me makinë por dhe për të verifikuar hotelin apo shtëpinë ku do të kaloni pushimet.
Të pavendosur se ku të shkoni me pushime? Me mjetin e planifikimit në grup mund të shtoni një listë të vendndodhjeve të preferuara dhe të shpërndani me miqtë për të vendosur.
Tabela e shënimeve. Jo vetëm para se të niseni por dhe kur kaloni aty. Shtoni vende që do të donit ti vizitonit, që ju interesojnë apo vendndodhje të nevojshme që i shënoni me një zemër të kuqe, ato që doni të vizitoni me flamur jeshil dhe ato të veçanta me yll të verdhë. Rezultati do ju japë një hartë të përditësuar që ta keni para syve.
Shkarkoni hartat offline. Nuk është e nevojshme të keni internet për të parë rrugët, pasi hartën mund ta shkarkoni.
Zbuloni çfarë ka përreth. Për të zbuluar se ku ndodhen restorantet, pikat e karburantit, hotelet e lokalet, hapni skedën Eksploro dhe përreth jush do të dalin të gjitha informacionet sipas tipologjisë.
Të gjeni “gate” në aeroport. Sidomos nëse nuk dëshironi të humbni kohë për të gjetur të duhurën, vendosni terminalin në kërkim dhe shoqërohuni nga Google.
Keni këshilla udhëtimi të personalizuara. Duke hapur skedën “Për ty” poshtë djathtas në Google Maps, do të gjeni këshilla udhëtimesh të personalizuara në bazë të prenotimit dhe parashikimit të motit. Shkoni në Romë dhe do bjerë shi? Pa problem! Google Maps ju sugjeron muzeun e Vatikanit, Villa Borghese etj. Diell? Një akullore tek Fontana Di Trevi.