Në vend ka nisur zbatimi i programit me zero interes për mjekët policët dhe ushtarakët për akordimin e kredive të buta për strehim. Ministrja e Shëndetësisë, Albana Koçiu tha se nga aplikimet për kredi të buta në blerjen e banesave janë kualifikuar 85 mjekë nga 191 aplikime.
“Mbështetja jonë shtrihet që nga momenti kur mjekët ulen për herë të parë në universitetin e mjekësisë dhe deri sa mbyllin karrierën e tyre. Pjesë e kësaj mbështetjeje është edhe qasja për të blerë banesën e parë. Njoftimi për 100 kuota dhe procedura e aplikimit u bë online, ne ngritëm një komision që shqyrtoi të gjithë dokumentacionin dhe çdo aplikim dhe nga 191 aplikime për kategorinë mjek jam e lumtur të bëj me dije se u vlerësuan si fitues 85 mjekët e parë që do të vijojnë procedurat”.
Lexo edhe :
Related Posts
Ajo njoftoi se gjatë vitit 2014 do të rriten pagat për mjekët e familjes dhe infermierët. “2023 nisi me rritjen e madhe historike të pagave vijoi me autonominë spitalore, do ta përmbyllim me zotimin për të rritur pagat për mjekët e familjes dhe infermierët në 2024. Ambicia jonë është më e gjerë se pagat dhe kushtet e punës”.