Një sherr i ndodhur jashtë një diskoteke në Bolzano të Italisë fqinje, bëri që autoritetet atje të denonconin 9 të rinj shqiptarë.
Ngjarja ndodhi disa ditë më parë në Brunico. Karabinierët ndërhynë duke shuar një konflikt fizik të ndodhur gjatë natës në një diskotekë. Pasi morën dëshmitë e tyre, autoritetet vendosën që të padisnin 9 të rinjtë.
Të gjithë janë shqiptarë të moshës 20 deri në 30 vjeç dhe jetojnë në val Pusteria.
Dy grupet ishin përplasur pas një sherri që kishin pasur dy prej tyre për shkaqe sentimentale. Në qendër të këtij konflikti mësohet se ishte një vajzë, ish-e dashura e njërit dhe e dashura aktuale e tjetrit.