Kryeministri Edi Rama postoi një mesazh në Facebook, që u komentua gjerësisht si një përgjigje ndaj sulmeve të presidentit Ilir Meta ndaj tij. Rama citoi një shprehje të Aristotelit, ku thuhet se është e vështirë që të inatosesh në masën e duhur.
“Çdokush mund të inatoset – kjo është kollaj, por të inatosesh edhe me njeriun e duhur, edhe në masën e duhur, edhe në kohën e duhur, edhe në mënyrën e duhur, kjo jo, kjo nuk është e lehtë dhe jo çdokush e ka këtë fuqi,” shkruan Rama.
Prej dy ditësh, presidenti Ilir Meta ka lëshuar akuza ndaj kryeministrit Edi Rama, që nga reforma në drejtësi e deri tek kriza politike dhe zgjedhjet lokale.