I ftuar në emisionin “Treshat” këtë radhë ishte moderatori i “Opinion” Blendi Fevziu. Një nga pyetjet me spec të Bora Zemanit ishte dhe ajo se si e parashikon Blendi veten si vjehërr.
“Shumë i keq”, u përgjigj ai me bindje. Por kur Bora e pyeti se çfarë duhet të ketë patjetër dhëndri i tij, Fevziu u përgjigj:
“Asgjë s’mendoj, duhet ta zgjedhë vajza, ç’punë kam unë me dhëndrin?”
Blendi Fevziu, përveçse drejtues i “Opinion” dhe turist i përjetshëm, është baba i dy vajzave me një diferencë të madhe moshe.
E madhja, Mishel, eshte tashme 17 vjeçe dhe bëhet përherë e më e bukur. E vogla, Alis, është tre vjeçe dhe duket se ia ka rrëmbyer vëmendjen të atit.