Vështirësia e krijuar nga reshjet e dendura të borës ka rënduar këto ditë edhe më shumë qyetarët e bashkive Dibër Mat, Bulqizë e Klos si pasojë e neglizhencës totale të pushtetit vendor për të marrë masat.

Banorët e këtyre zonave janë lënë në mëshirë të fatit. Dëbora e dendur ka mbuluar të gjitha rrugët e bulevardet kryesore të këtyre qyteteve dhe deri më tani këto bashki nuk kanë dërguar asnjë borëpastruese apo punonjës në terren.

Kalimi në këmbë dhe qarkullimi i automjeteve në rrugët e këtij qyteti është bërë pothuajse i pamundur.

Ndërsa, fshatrat janë në gjendje akoma më të keqe, pasi sasia e resheve të borës ka qenë më e madhe.

Sikurse shihni edhe nga këto foto të siguruara nga Tirananews.al, gjendja është edhe më alarmante si pasojë e pemëve të rrëzuar duke rrezikuar në jo pak raste edhe jetët e njerëzve, ndërkohë që plehrat po bëjnë ditë që kanë mbushur qytetin duke rrezikuar edhe hapjen e epidemive të ndryshme.